Tirana ka bërë afrimin më të ri në repartin e mbrojtjes. Qendërmbrojtësi kroat, Anton Kresic, i është bashkuar skuadrës kryeqytetase, me një marrëveshje huazimi nga klubi rumun CFR Cluj.
29-vjeçari vjen për të plotësuar boshllëkun e krijuar në prapavijë pas largimeve të shumta gjatë muajit dhjetor. Aktualisht, trajneri i Ardian Nuhiu kishte në dispozicion vetëm Kleandro Lleshin për këtë pozicion.
Kresic posedon një karrierë të gjatë në kampionate të ndryshme europiane, megjithëse aktivizimi i tij ka qenë i kufizuar gjatë dy sezoneve të fundit.
Synimi i stafit teknik është rikthimi i lojtarit në formën e tij optimale fizike. Ky transferim shënon një lëvizje të rëndësishme për përforcimin e grupit për pjesën e mbetur të sezonit.
