Alfred Mensah është lojtari i ri i Tiranës. Klubi bardheblu ka njoftuar firmën me sulmuesin ganez.
Mensah e njeh mirë kampionatin, pasi në të kaluarën ka luajtur me Skënderbeun, Partizanin dhe Vllazninë.
Sezonin e fundit, sulmuesi ishte pjesë e shkodranëve, me të cilët ndërpreu kontratën pak ditë më parë.
“KF Tirana njofton afrimin e sulmuesit Alfred Mensah! Klubi ka nënshkruar sot marrëveshjen që e bën Alfred Mensah pjesë të bardhebluve për sezonin e ardhshëm. Sulmuesi ganez do të jetë përforcimi më i ri i skuadrës sonë. I urojmë mirëseardhjen në familjen bardh e blu dhe shumë suksese me fanellën e KF Tiranës”, thuhet në njoftim.
/Cna
