Emiljano Çela nuk është më trajner i Besës. Pas nisjes së dobët, pa asnjë fitore në dy javët e para të Kategorisë së Parë, kavajasit kanë vendosur të shkarkojnë trajnerin.
Vendimi Çelës i është komunikuar këtë të mërkurë, ndërsa drejtuesit nuk kanë humbur kohë për të zgjedhur trajnerin e ri.
Drejtimi i skuadrës verdhezi i është besuar një emri të njohur. Bëhet fjalë për Shpëtim Duron. Tekniku kryeqytetas do të nisë menjëherë nga puna.
