Real Madrid nuk është më i pathyeshëm. “Los Blancos” pësuan humbjen e parë sezonale dhe ajo erdhi në derbin e Madridit.
Atletico triumfoi 5-2, në një ndeshje spektakolare dhe shumë të luftuar në të dyja krahët.
“Los Colchoneros” gjetën avantazhin me Le Normand në minutën e 14-të, por Reali përmbysi gjithçka me golat e Mbappe në minutën e 25-të dhe Guler 11 minuta më vonë.
Megjithatë në fund të pjesës së parë, Sorloth barazoi shifrat. Fraksioni i dytë ishte tjetër histori.
Atletico u shfaq më kërkuese dhe ia doli të shënojë tre herë. Julian Alvarez shkëlqeu me një dopietë personale, ndërsa golin e pestë e shënoi Griezmann.
Reali mbetet në krye me 18 pikë, por me një ndeshje më shumë se Barcelona e vendit të dytë, që ka 16 pikë. Atletico ngjitet në vendin e katërt me 12 pikë të grumbulluara.
