Java e gjashtë e Premier League solli disa rezultate të papritura për ekipet pretendente.
Liverpool pësoi humbjen e parë për këtë sezon, pasi u mposht në transfertë nga Crystal Palace. Sarr shënoi golin e parë, ndërsa Chiesa barazoi në minutën e 87-të. Në fund, Nketiah i dha fitoren vendasve me një gol në minutën e 97-të.
Pavarësisht humbjes, Liverpool mban vendin e parë me 15 pikë, ndërsa Crystal Palace ngjitet në vendin e dytë me 12 pikë.
Chelsea u mund në shtëpi nga Brighton me rezultatin 1-3, pas një përmbysjeje. Ndërkohë, Manchester City fitoi bindshëm 5-1 ndaj Burnley, duke konfirmuar formën e mirë.
Te miqtë u aktivizua edhe Armando Broja në minutën e 68-të, por pa ndikim në rezultat.
