Qeveria i mbyll sërish derën ligjit të sponsorizimeve, çka do të thotë që sporti të mbetet pa lehtësitë e premtuara.
Ministria e Financave nuk ka miratuar projektligjin e propozuar për donacionet dhe sponsorizimet, që parashikonte një regjim të ri fiskal për sportin.
Sipas draftit, sponsorizuesit e aktiviteteve në fushën e artit, kulturës dhe sportit do të mund të përfitonin kreditim tatimor deri në 30% të tatimit mbi fitimin të vitit paraardhës, pa tejkaluar shumën e sponsorizimit të kryer dhe të dokumentuar. Në këtë mënyrë synohej që sponsorizimi të mos shihej thjesht si një shpenzim marketingu, por si një instrument konkret për të nxitur investimet private në sport.
Por, qeveria thotë jo. E thënë shkurt, nuk u plas fort për sportin. Çuditërisht në Kosovë e kanë ligjin e sponsorizimit. Duhet të jenë të prapambetur.
