Nuk kanë fund telashet për Shkupin. Sikur të mos mjaftonte vendi i fundit në renditje në Maqedoninë e Veriut, tani kanë mbetur edhe pa trajner.
Tekniku Minas Osmani ka njoftuar largimin, duke dhënë dorëheqjen, të cilën e bëri publike në rrjetet sociale.
Ai ka bërë të ditur, se ndaj tij nuk janë përmbushur obligimet financiare, por shton se pavarësisht kësaj, ka sakrifikuar në kushte të vështira.
Skuadra po kalon probleme të mëdha këtë sezon, ku mban vendin e fundit në renditje, me vetëm një pikë të grumbulluar dhe rënia duket shumë pranë.
Lojtarët dhe stafi nuk janë paguar prej kohësh, për shkak të problemeve financiare, të cilat janë reflektuar edhe në fushë.
