Burnley u mund 5-1 nga Manchester City, por lajmi pozitiv ishte rikthimi në fushë i Armando Brojës.
Sulmuesi shqiptar u aktivizua në minutën e 80-të të ndeshjes. Ai pati një mundësi për të shënuar, por nuk arriti ta konkretizojë. Megjithatë, fakti që po grumbullon minuta është i rëndësishëm për rikuperimin e tij.
Ndryshe nga e kaluara, Broja po përballet me kritika të shumta nga tifozët e Burnley, të cilët janë të ashpër me të në rrjetet sociale, duke e sulmuar dhe vënë në presion.
Gjithsesi, aktivizimi i rregullt mund ta ndihmojë të gjejë ritmin e munguar. Broja pritet të jetë pjesë e Kombëtares për sfidën ndaj Serbisë. Forma e tij do të jetë një faktor kyç për sulmin kuqezi.
