Trajneri i Burnley-t, Scott Parker, ka marrë një vendim surprizë duke lënë jashtë skuadrës sulmuesin e Kombëtares shqiptare, Armando Broja, në ndeshjen ndaj Crystal Palace.
Sulmuesi nuk ishte i përfshirë as në stolin e rezervave, duke u vendosur në tribunë gjatë takimit që Burnley e fitoi me rezultatin 2-3. Pas ndeshjes, Parker sqaroi se ky nuk ishte një pasojë e ndonjë dëmtimi fizik, por një zgjedhje thjesht teknike e stafit drejtues.
Trajneri theksoi se mund të grumbullojë vetëm një numër të caktuar lojtarësh dhe në këtë moment vlerësoi të vepronte në këtë mënyrë.
“Ishte me të vërtetë thjesht një vendim për skuadrën dhe sigurisht si e ndjeva më të mirën. Ai ka pasur një problem të vogël, por vendimi im ishte thjesht ky.
Në këtë moment, mund të emëroj vetëm një numër të caktuar lojtarësh dhe kjo ishte mënyra si vepruam”, u shpreh trajneri i Burnley pas fitores.
