Sulmuesi 27-vjeçar, Luis Kaçorri, ka mbyllur zyrtarisht bashkëpunimin me klubin Al Hussein në Jordani, duke dalë si lojtar i lirë.
Përpara mbylljes së kësaj eksperience, ai shënoi shtatë gola dhe dha dy asistime në 11 ndeshje të zhvilluara midis kampionatit vendas dhe Champions League-s aziatike.
Megjithatë, periudha e fundit e lojtarit është kushtëzuar nga një dëmtim i rëndë në ligamentin krociat, çka e ka mbajtur atë jashtë fushave të lojës.
Kaçorri, i cili në Shqipëri ka mbajtur veshur fanellat e Bylisit dhe Dinamos, ka një karrierë të shtrirë kryesisht në Itali deri në vitin 2022.
Së fundmi, karriera e tij ka vijuar në kampionatet e Uzbekistanit dhe Jordanisë, ku ka shënuar rritje në statistikat personale përpara dëmtimit.
