Në emisionin “Rubrika Sportive”, ish-lojtari i Partizanit, Ledio Pano bëri deklarata të forta, pas humbje së të kuqve ndaj Tiranës në derbi.
“Është një moment shumë i vështirë, duke filluar që nga faza përgatitore, që nga momenti i ndeshjes së dytë të kupës UEFA. Që aty filluan gjithë kalvari i ndryshimeve të klubit, pa diskutim që u morën vendime të gabuara. Ata që donin ta bënin Partizanin që është sot, iu pre rubineti në klub. Janë disa njerëz që me Gegën dhe Haxhinë nuk përfitonin dot më, aty është kleçka.
Ka kohë që nuk jam brenda, por kur ishin miqtë e mi aty isha i përditshëm aty. Besoj që janë bërë gabime me largimet e Gegës dhe Haxhisë. Për mua ata nuk kanë dhënë dorëheqjen. Me largimin e këtyre të dyve e morën në dorë ata që ishin dhe bënë këtë gjullurdi që kanë bërë”, u shpreh Pano.
