Kombëtarja e Gjermanisë për moshën U-21 ka bërë publike së fundmi emrat që do të jenë në dy ndeshjet e radhës, atë kundër Shqipërisë në “Elbasan Arena”, miqësore dhe takimi me Letoninë (Kualifikueset për Euro 2027).
Sulmuesit me origjinë shqiptare që kërkohen prej Silvinjos, Brajan Gruda dhe Nelson Weiper bëjnë pjesë në listën e “Pancerave”.
Interesante është se në datën 5 shtator, ata do të vijnë në Shqipëri, teksa do të përballen me grupin e Alban Bushit, stadiumi “Elbasan Arena”.
Kështu, ata nisen drejt Shqipërisë, jo për të luajtur me kuqezinjtë, por si kundërshtarë të tyre.
Për aq kohë sa trajneri i Gjermanisë Julian Nagelsmann nuk i fton dhe nuk i inkuadron në ndeshje zyrtare, Kombëtarja ka shpresa për këtë dyshe.
