Berat Gjimshiti ka mbyllur vitin për shkak dëmtimi. Mbrojtësi i Kombëtares, shfaqi probleme në ndeshjen e fundit në kampionat ndaj Cagliarit.
Shqiptari u zëvendësua në pjesën e dytë, ndërsa testet mjekësore kanë zbuluar dëmtimin e tij. Bëhet fjalë për një lëndim muskulor në këmbën e djathtë, i shkallës së parë.
Dëmtimi nuk paraqitet i rëndë, por do e lërë jashtë fushave të blerta për disa javë. Sipas “La Gazzetta dello Sport”, Gjimshiti do të humbasë dy ndeshjet ndaj Genoas më 21 dhjetor dhe ndaj Interit më 28 dhjetor.
Në dyshim është për ndeshjen ndaj Romës, e planifikuar për tu luajtur më 3 janar.
