FSHF ka publikuar vendimet e Komisionit të Disiplinës dhe Etikës. Pas javës së tretë, bie në sy se Egnatia dhe Elbasani janë dënuar me 50 mijë lekë të reja gjobë për shkak të sjelljes së spektatorëve.
Për Vorën ndërkohë është një vendim i pazakontë. Disiplina e ka paralajmëruar klubin e Superiores se do të jetë subjekt i masave, në rast se vazhdon të shkaktojë vonesa gjatë zhvillimit të ndeshjes. Takimi i tyre i fundit ishte përballë Tiranës, ndërsa e fituan 3-1.
Vendimet e Komisionit të Disiplinës dhe Etikës së FSHF datë 05.09.2025
1.KF Egnatia, për sjellje të gabuar të spektatorëve, duke hedhur sende në fushën e lojës si dhe duke përdorur mjete piroteknike, në bazë të neneve 17/2/b dhe 17/2/e të KDE, dënohet me gjobë në masën 50.000 (pesëdhjetë mijë) lekë
2. AF Elbasani, për sjellje të gabuar të spektatorëve, duke hedhur sende në fushën e lojës si dhe duke përdorur mjete piroteknike, në bazë të neneve 17/2/b dhe 17/2/e të KDE, dënohet me gjobë në masën 50.000 (pesëdhjetë mijë) lekë
3. KF Vora, në bazë të nenit 6/1/a të KDE, paralajmërohet se në rast të përsëritjes së shkeljes së rregullores së aktivitetit duke shkaktuar vonesa gjatë zhvillimit të ndeshjes, do të jetë subjekt i masave disiplinore që parashikon Kodi i Disiplinës dhe Etikës dhe rregulloret e FSHF.
