Trajneri i Suedisë, Jon Dahl Tomasson, ka refuzuar të japë dorëheqjen pas humbjes ndaj Kosovës në Goteborg, që ka shkaktuar reagime të forta në opinionin sportiv suedez.
Pas katër ndeshjeve në Grupin B, Suedia renditet e fundit me vetëm një pikë. Shpresa e vetme për Botërorin 2026 mbetet përmes play-off-it të Ligës së Kombeve, megjithëse kjo mundësi është shumë e vogël, raporton Cna.
Ndërkohë, Kosova është ngjitur në vendin e dytë me 7 pikë, tre më pak se Zvicra kryesuese. Tomasson deklaroi se nuk ka ndërmend të largohet dhe se ka ende besimin e skuadrës. Ai pranoi se rezultati ndaj Kosovës ishte shumë i dobët, por theksoi se ekipi mund të reagojë.
Ish-sulmuesi suedez Johan Elmander kërkoi publikisht që trajneri të largohet, duke i bërë thirrje federatës të ndërhyjë.
