Ministri i Mbrojtjes, Pirro Vengu, ka publikuar pamjet e stadiumit të Flamurtarit, që do të ndërtohet vitin e ardhshëm. Sipas tij, projekti fitues, përveç stadiumit parashikon edhe një pishinë të re publike dhe pallatin e ri të sportit të qytetit të Vlorës.
Postimi i Pirro Vengut:
Projekti i transformimit të Stadiumit ‘Flamurtari’ në një arenë tërësisht të re dhe moderne në funksion të qytetit, është pjesë e një masterplani i cili planifikon zhvillimin e një zone edhe më të gjerë se ajo e pronës publike dhe përveç stadiumit parashikon edhe një pishinë të re publike dhe pallatin e ri të sportit të qytetit të Vlorës.
Projekti fitues i konkursit ndërkombëtar, në pronën publike, përfshin ndërtesa bashkëkohore që do ti japin një gjallëri të re jetës sociale e ekonomike të Vlorës, përmes konceptimit të bukur ariktektonik të XDGA | Consulting and Management Albania ltd | Jeshile Landscape | Bollinger + Grohmann Sarl | Ledia Kostandini, në një harmoni tejet të gjetur me trashëgiminë aq të pasur historike të këtij qyteti kaq të dashur nga të gjithë shqiptarët dhe bota mbarë.
