Dramë në fund, Bylis-Vllaznia mbyllet me protesta

Vllaznia triumfoi minimalisht ndaj Bylisit, në transfertë. Një autogol nga Peralta, i dha suksesin shkodranëve.

Në fund, protestat ishin të mëdha nga vendasit. Arbitri u anuloi një gol në shtesë ballshiotëve, për faull gjatë aksionit.

VAR-i ishte protagonist absolut në këtë takim, me dy gola të anuluar, nga një për secilën skuadër dhe një penallti të anuluar për Bylisin.

Pas kësaj fitoreje në javën e shtatë, Vllaznia merr kryesimin me 16 pikë, ndërsa Bylis renditet i shtati me gjashtë pikë.