Carlos Garcia ndodhet nën presion të madh te Flamurtari. Pas humbjes me Vorën, situata është rënduar ndjeshëm dhe tifozët janë të pakënaqur me paraqitjet e skuadrës. Drejtuesit e klubit kanë vendosur që trajneri spanjoll të ketë edhe një mundësi të fundit në ndeshjen ndaj Egnatias. Vetëm një fitore do ta mbajë atë në detyrë, ndërsa çdo rezultat tjetër do të sjellë shkarkimin e menjëhershëm.
Ndeshja e fundjavës do të ketë edhe një rëndësi të veçantë, pasi pritet të inaugurohet stadiumi i ri në Vlorë. Drejtuesit e klubit kanë toleruar këtë herë, duke mos e larguar menjëherë pas humbjes, por kanë vendosur një ultimatum të qartë.
Fati i Garcias dhe stafit të tij do të vuloset të dielën, teksa klubi kërkon domosdoshmërisht tre pikët për të shmangur ndryshime të menjëhershme në pankinë.
