Asambleja e Përgjithshme Zgjedhore 2026 e FSHF-së u mbyll me ndryshime në përbërjen e Komitetit Ekzekutiv, ku u regjistruan dorëheqje dhe anëtarë të rinj.
Përpara nisjes së procesit të votimit, Arben Dervishaj dhe Abdyl Kuriu, të cilët kanë qenë pjesë e këtij organi më parë, njoftuan tërheqjen nga gara.
Nga ana tjetër, anëtari i deritanishëm Ervin Cenollari nuk arriti të rizgjidhej, duke grumbulluar 19 vota, numrin më të ulët në këtë proces.
Ndërkohë, Komiteti i ri do të ketë tre emra të rinj që siguruan mbështetjen e delegatëve. Edmond Hasanbelli mori 44 vota, i ndjekur nga Armando Cungu me 43 vota dhe Blendi Fevziu me 40 vota.
Këto ndryshime pasqyrojnë strukturën e re drejtuese që do të shoqërojë mandatin e shtatë të presidentit Armand Duka.
