Nedim Bajrami është jashtë planeve të Rangers. Klubi skocez nuk e ka përfshirë në listë për dy ndeshjet e fundit zyrtare. Tashmë kanë filluar spekulimet për të ardhmen, ndërsa konkretisht Sevilla dhe Udinese raportohet se kanë shfaqur interes.
Zërat e dërgojnë në Spanjë ku më saktë është Sevilla, që e kërkon në huazim me opsion blerjen në fundin e sezonit. Në anën tjetër nuk mund të mungonte një klub nga Seria A ku Bajrami i ka treguar aftësitë më parë. Dhe ai klub deri tani tregohet të jetë Udinese.
Kontrata e Bajramit përfundon në vitin 2028. Rangers e bleu verën e kaluar për shifrën e 3.6 milionë eurove. Dhe skocezët nuk duket se do heqin dorë pa i arkëtuar sërish shpenzimet e bëra.
26-vjeçari ka luajtur në Zvicër dhe Itali, para transferimit në Skoci. Do të ishte interesante për të një aventurë në La Liga apo rikthim në Seria A.
