Mirlind Daku po kalon një periudhë të mirë me Rubin Kazan në Premier League ruse.
Sulmuesi shqiptar ka shënuar 8 gola dhe ka dhënë 1 asist në 9 ndeshje të zhvilluara. Performanca e tij ka tërhequr vëmendjen e klubeve evropiane.
Monaco raportohet se e ka vendosur në listën e lojtarëve për t’u monitoruar. Edhe Fiorentina është e interesuar për kartonin e tij.
Daku ka kontratë me Rubin Kazan deri në vitin 2029. Sipas “Transfermarkt”, kartoni i tij vlerësohet me 10 milionë euro. Me këtë ritëm, pritet që ai të ketë oferta konkrete në merkaton e ardhshme.
