Berat Gjimshiti është përfolur në mediat italiane si një objektiv konkret i Milanit. Pas shitjes së Malick Thiaw, kuqezinjtë kërkojnë një qendërmbrojtës me përvojë.
Trajneri Masimilliano Alegri kërkon një lojtar të besueshëm që njeh mirë kampionatin italian. Drejtori sportiv Igli Tare ka piketuar Gjimshitin, me të cilin ka pasur bisedime prej javësh. Deri më tani nuk ka pasur hapa konkretë, por largimi i Thiaw drejt Newcastle ka rritur mundësinë e transferimit.
Gazetari Carlo Pellegatti raporton se Gjimshiti është një emër shumë i diskutuar në Milano. Tare ka përjashtuar afrimin e një lojtari të ri në moshë për këtë rol. Përvoja e Gjimshitit e bën atë kandidatin kryesor për t’u bashkuar me Tomorin, Gabian dhe Pavloviçin.
