Nuk ka qetësi te Vllaznia. Prej kohësh, përflitet për probleme financiare, të cilat duket se janë reflektuar edhe në rezultate.
Klubi ka hedhur poshtë zërat për probleme financiare, por një veprim i tyre ngre dyshime të mëdha.
Menaxheri Luan Shpuza, në një reagim të tij, shkruan se gazetarëve në Shkodër u është kërkuar të mos pyesin për rrogat në konferencë për shtyp.
“Dua të përgënjeshtroj drejtuesit e Vllaznisë, që thonë se ska probleme financiare. Para intervistës gazetarëve u është kërkuar të mos pyesin për rrogat”, shkruan Shpuza.
Nëse kjo është e vërtetë, mund të quhet një turp për klubin që tenton të fshehë problemet, por edhe për gazetarët, që pranojnë të pyesin ato që ju kërkohet, duke u censuruar në profesionin e tyre.
