Faza “play-off” e kualifikueseve ka sjellë shumë llogari për Shqipërinë dhe ekipet e tjera që garojnë për një vend në turne.
Përveç përpjekjes për të mbyllur grupin në vendin e dytë, rëndësi të madhe ka edhe pozicioni në renditjen e FIFA-s, që përcakton ndarjen në vazo për shortin. Ekipet që renditen më lart do të jenë në dy vazot e para, duke shmangur përballjet me kundërshtarë më të fortë në gjysmëfinale.
Renditja përfundimtare do të llogaritet pas ndeshjeve të nëntorit, çka e bën çdo rezultat të ardhshëm vendimtar. Aktualisht, Shqipëria ndodhet në vazon e tretë dhe kërkon të përfitojë nga kombinimet në grupet e tjera.
Një prej tyre lidhet me Grupin A, ku Sllovakia shpreson që Serbia të mos e mbyllë në vend të dytë, ndërsa për Shqipërinë do të ishte më e favorshme që aty të pozicionohej Irlanda e Veriut. Nëse ky skenar ndodh, kuqezinjtë do të kalonin automatikisht në vazon e dytë.
Një lëvizje e tillë do t’i jepte mundësi Shqipërisë të shmangte skuadra si Hungaria, Skocia apo Çekia, të cilat janë më lart në renditje. Gjithçka, megjithatë, mbetet e varur nga rezultatet e fundit në çdo grup. Në javët e ardhshme pritet të përcaktohen edhe skenarët përfundimtarë për shortin e fazës “play-off”.
NDARJA E VAZOVE MOMENTALISHT:
VAZO 1: Itali, Turqi, Ukrainë, Poloni
VAZO 2: Hungari, Skoci, Çeki, Sllovaki
VAZO 3: Shqipëri, Maqedoni, Bosnjë Hercegovinë, Kosovë
VAZO 4: Uells, Rumani, Suedi, Irlandë e Veriut
