Widzew Lodz mori tri pikë të rëndësishme në kampionatin polak, pas fitores 3-2 ndaj Radomiak Radom.
Golin vendimtar e shënoi Lindon Selahi, i cili u fut në lojë në pjesën e dytë dhe pas pak minutash realizoi. Mesfushori kuqezi shënoi një supergol dhe festa ishte menjëherë me shqiponjë. Kujtojmë se ai nuk është ftuar nga Silvinjo, pavarësisht formës së treguar.
Widzew Łódź [3]-1 Radomiak Radom – Lindon Selahi 69′ (Ekstraklasa)
byu/4gjdtokurwa insoccer
Nga lojtarët shqiptarë, vetëm Juljan Shehu ishte titullar, ndërsa Andi Zeqiri u aktivizua në të njëjtën kohë me Selahin.
Mbrojtësi Ermal Gallapeni qëndroi në stol pas ndeshjeve me Kosovën. Pas këtij suksesi, Widzew Lodz ngjitet në pjesën e sipërme të tabelës me 18 pikë.
Ekipi po ndjek nga afër zonën e kreut dhe synon të ruajë ritmin në ndeshjet e ardhshme.
