Një vizitë e papritur ka trazuar ambientin e klubit të Partizanit pasditen e sotme.
Ish-trajneri i Kombëtares shqiptare, Gianni De Biasi, është parë të futet në ambientet e kompleksit të të kuqve, siç raporton “Neësport.al”.
Edhe pse arsyet e kësaj pranie mbeten ende misterioze, koha e vizitës ka ngritur dyshime të forta, duke qenë se vjen menjëherë pas humbjes në derbi me rezultatin 2-1.
Ndonëse emri dhe CV-ja e De Biasit duken “shumë të mëdha” për nivelin e Kategorisë Superiore, lëvizja ka vënë në lëvizje thashethemet e merkatos.
Presidenti Gaz Demi njihet për lëvizje surprizë, dhe kjo vizitë mund të jetë një sinjal për ndryshime rrënjësore në pankinën e kuqe.
Pritet të shihet nëse ky takim do të prodhojë një bashkëpunim zyrtar apo mbetet thjesht një vizitë miqësore.
