Vllaznia ka arritur marrëveshjen me CSKA-në e Sofjes për huazimin e sulmuesit Kevin Dodaj.
Lojtari do të jetë pjesë e skuadrës shkodrane deri në fund të muajit maj, pas negociatave të mbyllura me sukses mes dy klubeve.
Dodaj pritet të mbërrijë në Shkodër brenda dy ditëve të ardhshme për t’u vënë nën urdhrat e trajnerit Edi Martini. Sulmuesi do të jetë i gatshëm për stafin teknik duke nisur nga ndeshja e radhës kundër Teutës.
Kjo lëvizje vjen me qëllim shtimin e alternativave në repartin ofensiv për pjesën e mbetur të sezonit. Drejtuesit e klubit e konsiderojnë këtë përforcim si një ndërhyrje të nevojshme në merkaton e janarit.
Pas disa muajsh aktivizimi në Bullgari, lojtari rikthehet në Kategorinë Superiore për të ndihmuar skuadrën në arritjen e objektivave sezonalë.
