Anësori shqiptar Arda Kurtulan mund të largohet nga skuadra e Goztepe gjatë afatit kalimtar të dimrit.
Sipas raportimeve të mediave turke, klubi i Galatasaray ka shfaqur interes për shërbimet e 23-vjeçarit si një opsion për përforcimin e krahëve të sulmit.
Kurtulan ka pasur paraqitje pozitive në Superligën turke gjatë këtij sezoni, çka ka tërhequr vëmendjen e drejtuesve të klubit nga Stambolli.
Futbollisti, i cili më parë ka përfaqësuar kombëtaren e Shqipërisë U21, ka një karrierë të nisur te të rinjtë e Fenerbahçes dhe është aktivizuar me disa klube në Turqi si Adana Demirspor dhe Karacabey.
Deri më tani, lojtari nuk ka marrë një ftesë nga trajneri Silvinjo për ekipin kombëtar A. Zhvillimet rreth këtij transferimi pritet të konkretizohen në ditët në vijim të merkatos.
