E ardhmja e Francesco Morieros në stolin e Flamurtarit duket drejt fundit pas humbjes 0-1 ndaj Egnatias në javën e 23-të.
Drejtuesit e klubit vlonjat janë të pakënaqur me rezultatet e dobëta që e kanë lënë ekipin në vendin e fundit të Superiores me vetëm 19 pikë.
Përveç krizës së rezultateve, raportohet për një krisje të marrëdhënieve për shkak të mosaktivizimit të lojtarëve të akademisë, si mesfushori Lushaj.
Zëvendësuesi i mundshëm i italianit pritet të jetë Julian Ahmataj, i cili sapo u largua nga drejtimi i Kombëtares U-19. Akordi mes Ahmatajt dhe klubit thuhet se është arritur, duke pritur vetëm zyrtarizimin e shkarkimit të Morieros.
Italiani mbyll aventurën e tij pas 20 ndeshjesh, ku regjistroi vetëm gjashtë fitore. Kjo lëvizje shihet si një përpjekje e fundit për të shpëtuar Flamurtarin nga rënia në Kategorinë e Parë.
