Mesfushori portugez Paulo Estrela është larguar nga skuadra e Skënderbeut.
27-vjeçari ka mbyllur zyrtarisht aventurën e tij me korçarët dhe do të vijojë karrierën te Flamurtari.
Estrela iu bashkua Skënderbeut në janar të vitit 2025, me një kontratë që ishte e vlefshme deri në vitin 2027. Megjithatë, përgjatë periudhës së fundit ai nuk përfshihej më në planet kryesore të stafit teknik.
Për këtë arsye, vetë lojtari kërkoi të largohej për të provuar një sfidë të re.
Për klubin e Skënderbeut ky largim sjell një tjetër ndryshim të rëndësishëm në përbërjen e organicës. Ndërkohë, për Estrelën kalimi te Flamurtari në Kategorinë e Parë përfaqëson një mundësi të mirë për të nisur një kapitull të ri.
