Kleandro Lleshi është përforcimi më i ri i Elbasanit për edicionin e ri futbollistik.
Mbrojtësi 26-vjeçar ka arritur marrëveshjen me drejtuesit e klubit dhe është bashkuar menjëherë me grupin në stërvitje.
Lleshi vjen te verdheblutë me një përvojë të konsiderueshme në elitën e futbollit vendas, pasi më parë ka veshur fanellat e Tiranës, Laçit dhe Kukësit. Afrimi i tij shihet si një lëvizje strategjike për të rritur konkurrencën dhe për të forcuar qendrën e mbrojtjes te skuadra elbasanase.
Së fundmi, 26-vjeçari ishte pjesë e Tiranës, por e mbylli përvojën me bardheblutë në rrugë gjyqësore për shkak të vonesave financiare.
Me këtë nënshkrim, Elbasani vazhdon ndërhyrjet në merkato për të plotësuar organikën përpara startit të kampionatit.
