Pas triumfit në Serbi, presidenti i Federatës, Armand Duka, bëri të ditur se ky sukses nuk paguhet as me jetën e tij, por që nuk do të ishte problem premioja.
Mirëpo, çfarë ka ndodhur pas asaj feste të çmendur, ku lojtarët kuqezi përfituan nga momenti të ngacmonin kreun e federatës rreth shpërblimit që do të jepesh.
“Rubrika Sportive” raporton se futbollistët e Kombëtares pritet të marrin nga 6 mijë euro secili për triumfin historik kundër Serbisë. Për ndeshje të kësaj rëndësie dhe për më tepër që fitorja ishte jashtë fushe, Komiteti Ekzekutiv i Federatës Shqiptare ka miratuar shpërblim 6 mijë euro për kokë.
Megjithatë, nuk përjashtohet mundësia që deri para grumbullimit të radhës në nëntor, premioja për fitoren në Serbi të ketë një shifër më të lartë. Rritja e shpërblimit nga FSHF ndodhi edhe për fitoren minimale 1-0 që kuqezinjtë morën në muajin shtator kundër Letonisë në “Air Albania”.
