Peter Itodo është larguar nga Dinamo për t’u transferuar te Metalist 1925 në Ukrainë. Lajmi u konfirmua nga klubi ukrainas përmes rrjeteve sociale.
Dinamo ka përfituar 700 mijë euro nga kjo marrëveshje, ku gjysma e shumës i takon Luzit. Fillimisht u përfol se shuma totale e shitjes ishte 1.2 milionë euro, nga e cila Luzi do të merrte 600 mijë euro, por shifra zyrtare tashmë është 700 mijë euro.
Sulmuesi nigerian ka nënshkruar një kontratë 3-vjeçare me Metalistin. Në ekipin e ri ai do të luajë bashkë me Ermir Rashicën.
Itodo u dallua sezonin e kaluar në Superiore me 21 gola në 33 ndeshje. Transferimi i tij shënon një nga lëvizjet më të rëndësishme të merkatos për Dinamon këtë verë.
