Silvinjo ka nisur përgatitjet në Kombëtares, me dy mungesa, Adrian Ismajlin dhe Adrion Pajazitin.
Për të plotësuar numrin e lojtarëve në seancat stërvitore, tekniku ka thirrur dy futbollistë të rinj nga akademia e Tiranës. Bëhet fjalë për mbrojtësin 18-vjeçar Murselo Dervishi dhe mesfushorin 17-vjeçar Ernesto Marqeshi.
Të dy lojtarët morën pjesë në seancën e sotme stërvitore si pjesë ndihmëse e grupit. Ata u stërvitën fillimisht veçmas nën drejtimin e përgatitësit atletik Iris Selimi. Më pas, u bashkuan me pjesën tjetër të skuadrës në ushtrimet specifike të planifikuara nga trajneri.
Këto përfshirje të përkohshme kanë për qëllim ruajtjen e ritmit dhe balancës në përgatitjet për ndeshjen ndaj Serbisë. Kombëtarja do të vijojë stërvitjet në ditët në vijim në pritje të rikuperimit të lojtarëve të dëmtuar.
