Chermen Valiev ka fituar medaljen e argjendtë në Kampionatin Botëror të Mundjes që po zhvillohet në Kroaci. Ai u mposht vetëm në finalen kundër japonezit Takahashi, i cili fitoi me rezultatin 8-2, në peshën 74kg.
Një dëmtim i rëndë në finale i ka mohuar mundësit të Shqipërisë medaljen e artë. Dyshohet se ai këputi ligamentet, por gjithsesi bëri një kampionat për tu mbajtur mend duke marrë medalje të argjendte.
Pavarësisht humbjes në finale, mund të quhet një rrugëtim i suksesshëm për Shqipërinë, pasi sjell një medalje.
Valiev u kualifikua në finale një ditë më parë, pasi arriti të kalojë me sukses rusin Sidakov në gjysmëfinale me rezultatin 6-4. Në finale nuk arriti të përsëritë të njëjtën paraqitje, por medalja e argjendtë mbetet një arritje e çmuar.
Vlen të përmendet se Valiev i ka dhuruar Shqipërisë medaljen e parë olimpike në histori. Ai vazhdon të mbetet një nga më të rëndësishmit për sportin shqiptar.
/tvklan.al
