Një ngjarje e turpshme dhe skandaloze raportohet të kete ndodhur në ndeshjen mes Tiranës dhe Bylisit, në stadiumin “Selman Stërmasi”.
Një tifoz, ka raportuar për “Vetëm Sport”, se drejtori i Tiranës, Omer Bunjaku, ka shpërthyer në ofendime pas golit të Tabeku.
Sipas asaj që ka thënë tifozi, një nga të pranishmit në stadium, i kërkoi llogari drejtorit me fjalët: “Ku i ke lojtarët e afruar në merkato”.
Pas kësaj, reagimi i drejtorit thuhet se ka qenë i turpshëm, duke ofenduar me fjalë të pista tifozin. Si pasojë, edhe tifozët e tjerë kanë reaguar ndaj drejtorit Bunjaku, i cili dukshëm u tradhtua nga nervat.
Mbetemi në pritje të një reagimi nga drejtori, për të sqaruar situatën…
