Elbasani u rikthye te fitorja në kampionat, pasi triumfoi 2-1 ndaj Vorës, në sfidën e javës së 25-të në Superiore.
Verdheblutë vuajtën jo pak, por në fund ia dolën të marrin 3 pikë të rëndësishme, në luftën për kreun.
Ndeshja nisi mirë për Elbasanin, që kaloi në avantazh në minutën e 29-të, me golin e shënuar nga Olberkis.
Megjithatë, vetëm 10 minuta më vonë, Vora gjeti barazimin, falë supergolit të Kasallës. Pjesa e parë u mbyll në barazim, ndërsa e dyta prodhoi disa raste për të dyja skuadrat.
SHIKONI GOLAT:
Në minutën e 80-të, Elbasani fitoi penallti, mes protestave të shumta, pasi te Vora akuzonin për simulim.
Këtë 11 metërsh, Lleshi e ktheu në gol, për t’i dhënë avantazhin dhe fitoren skuadrës së tij.
Me këtë sukses, Elbasani mban vendin e tretë me 45 pikë, vetëm 3 pikë më pak se Vllaznia kryesuese. Vora mban vendin e shtatë me 26 pikë.
