Elbasani arriti një fitore të rëndësishme ndaj Dinamos, duke triumfuar 1-0 në shtëpi në javën e tretë të kampionatit.
Ndeshja nisi me raste nga të dyja skuadrat, ndërsa në minutën e 30-të miqtë mbetën me një lojtar më pak pas daljes me karton të kuq të Alijit. Fillimisht u akordua penallti për vendasit, por ndërhyrja e VAR-it e ktheu faullin jashtë zone.
Pjesa e parë u mbyll pa gola, ndërsa në minutën e 51-të, Bunjaku shënoi golin e vetëm të sfidës, pas asistit të Loukili. Dinamo tentoi të barazonte, por nuk e gjeti dot rrugën drejt rrjetës. Me këtë fitore, Elbasani ngjitet në krye të klasifikimit me 7 pikë, ndërsa Dinamo qëndron në vendin e gjashtë me 3 pikë.
Në sfidën tjetër, Teuta dhe Vora barazuan 1-1 në Durrës. Miqtë barazuan me Tabakun pas autogolit të Shehit, ndërsa pavarësisht se Vora mbeti me 10 lojtarë, Teuta nuk arriti të siguronte fitoren.
