Teuta duket se nuk ka ndërmend të ndalet në këtë merkato vere. Durrsakët duken shumë aktivë, pas ndryshimit të pronësisë.
Afrimi i radhës mund të jetë mesfushori Alesandro Ahmetaj, i cili në sezonin e fundit ishte pjesë e Flamurtarit në Kategorinë e Parë.
25-vjeçari është një emër i njohur, pasi me Egnatian ka fituar të gjitha trofetë e mundshme: Superioren, Kupën dhe Superkupën e Shqipërisë.
Megjithëse ka zhvilluar bisedime me drejtuesit e Teutës, mesfushori mbetet i tunduar nga një ofertë serioze nga jashtë, duke mbajtur pezull vendimin për të ardhmen.
