Egjipti ka siguruar zyrtarisht kualifikimin për në Kupën e Botës 2026, pas fitores 0-3 ndaj Xhibutit. Në një ndeshje pa shumë histori, goli i parë u shënua nga Adel, ndërsa Mohamed Salah realizoi dy herë për të vulosur rezultatin përfundimtar.
Me këtë sukses, Egjipti kryeson Grupin A dhe bëhet kombëtarja e tretë afrikane që arrin kualifikimin, pas Marokut dhe Tunizisë. Ky është Botërori i katërt në histori për “Faraonët”.
Salah do të marrë pjesë për herë të dytë në një turne të tillë, duke konfirmuar ndikimin e tij në këtë arritje.
Pas këtij kualifikimi, numri i skuadrave të konfirmuara për Botërorin 2026 shkon në 19. Përveç Kanadasë, Meksikës dhe Shteteve të Bashkuara si vende pritëse, listës i janë bashkuar edhe Japonia, Zelanda e Re, Irani, Argjentina, Uzbekistani, Korea e Jugut, Jordania, Australia, Brazili, Ekuadori, Uruguai, Kolumbia, Paraguai, Maroku, Tunizia dhe Egjipti.
