Federata e Futbollit të Kosovës ka njoftuar zyrtarisht rinovimin e kontratës me trajnerin Franco Foda për dy vite të tjera.
Marrëveshja është firmosur më 6 tetor, nga presidenti Agim Ademi dhe trajneri Foda, por njoftimi zyrtar ka ardhur këtë të premte nga Federata.
Me këtë kontratë, tekniku gjerman do të qëndrojë në krye të Kosovës deri në fund të vitit 2027, me mundësi zgjatjeje në rast të kualifikimit në Euro 2028.
Foda mori drejtimin e “dardanëve” më 17 shkurt të vitit të kaluar. Deri tani ai ka udhëhequr Kosovën në 17 ndeshje. Bilanci i tij përfshin 11 fitore, 2 barazime dhe 4 humbje.
