Jordi Alba ka njoftuar se do të tërhiqet nga futbolli në fund të sezonit aktual. Në moshën 36-vjeçare, mbrojtësi do të ndjekë shembullin e shokut të tij, Sergio Busquets.
Spanjolli do ta mbyllë karrierën e tij pas përfundimit të sezonit në MLS me Inter Miami-n, në fund të muajit dhjetor.
Alba e nisi karrierën te Valencia dhe më pas u bë një nga figurat kryesore të Barcelonës, ku qëndroi nga viti 2012 deri në vitin 2023. Gjatë periudhës në “Camp Nou”, ai fitoi çdo trofe të mundshëm, përfshirë Champions League dhe La Liga-n.
Me kombëtaren e Spanjës, Alba regjistroi 93 ndeshje dhe fitoi si Kampionatin Europian ashtu edhe Nations League. Pas transferimit te Inter Miami, ai iu bashkua Lionel Messit dhe Busquets në fazën e fundit të karrierës së tij.
