Ish-sulmuesi i Kombëtares, Igli Tare, ishte i pranishëm në stadiumin “Air Albania” për të ndjekur ndeshjen Shqipëri–Letoni, e mbyllur me rezultatin 1-0.
Nuk ka ende informacion zyrtar nëse prania e tij lidhej me monitorimin e ndonjë lojtari të Shqipërisë për Milanin apo ishte thjesht një vizitë si tifoz.
Aktualisht, Tare mban detyrën e drejtorit sportiv te Milani, duke qenë përgjegjës për merkaton e klubit. Ky rol i ka shtuar atij peshë dhe kredenciale në futbollin europian. Si futbollist, Tare ka regjistruar 68 ndeshje me fanellën kuqezi.
Ai ka shënuar 10 gola gjatë periudhës së aktivizimit me Kombëtaren. Prezenca e tij në tribunë u evidentua nga mediat, duke nxitur diskutime mbi qëllimin e vizitës. Shqipëria ndërkohë mori një fitore të rëndësishme ndaj Letonisë.
