Alen Sherri ka bërë prezantimin e tij te skuadra e Frosinone, e cila militon në Serie B. Portieri i Kombëtares, u shfaq shumë i lumtur për këtë lëvizje, ndërsa tregoi emocionet e para në prezantim.
Sherri deklaroi se për lojtarët shqiptarë është ëndërr të luajnë në Itali, ndërsa shtoi se për të nuk ka shumë ndryshime nëse luan në Serie A apo Serie B.
“Negociatat për të ardhur në Frosinone nuk zgjatën shumë. Jam i emocionuar që jam këtu. Është një mundësi e shkëlqyer dhe do të jap gjithçka nga vetja për ta shfrytëzuar sa më shumë. Gjëja më e mirë është se menjëherë gjeta një grup fantastik djemsh. Ata më pritën shumë mirë dhe i falenderoj.
Për ne, të luash në Itali është një ëndërr. Serie A është një nga ligat më të rëndësishme në botë, por Serie B është gjithashtu shumë konkurruese. Për mua, nuk ndryshon shumë. Ndiej sikur po përjetoj një mundësi të shkëlqyer”, deklaroi Sherri.
Portieri shqiptar u transferua te Cagliari një vit më parë, ndërsa te Frosinone ka kaluar në huazim me të drejtë blerje në fund të sezonit.
