Bylis ka njoftuar zyrtarisht shitjen e dy lojtarëve titullarë, Malomo Ayodeji dhe Ibrahim Mustafa, te skuadra e Dinamos.
Ky transferim vjen vetëm dy ditë përpara përballjes direkte mes dy ekipeve në kampionat, e cila është programuar të luhet këtë të shtunë.
Malomo, i cili luan si mesfushor, dhe sulmuesi Mustafa, do t’i bashkohen menjëherë ekipit kryeqytetas pas arritjes së marrëveshjes mes drejtuesve.
Klubi ballshiot ka falënderuar futbollistët për kontributin e tyre me fanellën bardhekuqe dhe u ka uruar suksese në etapën e re të karrierës.
Ky operacion konsiderohet i pazakontë për shkak të kohës kur u zyrtarizua, duke qenë se të dy lojtarët kalojnë te kundërshtari i radhës pak orë para ndeshjes.
Tashmë pritet të shihet nëse dyshja do të jetë e gatshme për t’u aktivizuar kundër ish-ekipit të tyre në fundjavë.
