Kristjan Asllani ka mbërritur këtë të premte në Stamboll për të nisur aventurën e re te Besiktas.
Mesfushori i Kombëtares shqiptare do të luajë në formë huazimi deri në fund të sezonit. Klubi turk ka të drejtën e blerjes së kartonit të tij nga Interi pas përfundimit të huazimit.
Pjesën e parë të këtij sezoni, Asllani e kaloi te Torino, që vendosi të ndërpresë bashkëpunimin para kohe. Besiktas është i gatshëm të paguajë rreth 10 milionë euro për kartonin e 23-vjeçarit, ndërsa Interi kërkon një shifër më të lartë.
Për mesfushorin kishte interes edhe nga klube të tjera europiane. Ky transferim përfaqëson eksperiencën e parë të Asllanit jashtë Italisë, ku e nisi karrierën te Empoli në vitin 2021.
