Sulmuesi Kevin Dodaj mbetet një objektiv kryesor për klubin e Vllaznisë gjatë kësaj merkatoje të janarit.
Drejtuesit shkodranë synojnë afrimin e 20-vjeçarit në formë huazimi nga skuadra bullgare e CSKA Sofia.
Klubi pret zhbllokimin e merkatos për të kryer lëvizjet konkrete dhe për të përforcuar repartin ofensiv.
Gjatë pushimeve të fundvitit, Dodaj u stërvit për disa ditë me kuqeblutë në Shkodër për të ruajtur formën fizike. Kjo periudhë shërbeu gjithashtu për të mbajtur kontaktet aktive mes lojtarit dhe stafit teknik.
Ndonëse sulmuesi është rikthyer aktualisht në Bullgari, interesi i Vllaznisë mbetet i lartë deri në mbyllje të afatit kalimtar.
Stafi teknik e konsideron lojtarin si një profil të vlefshëm që i përshtatet planeve për pjesën e mbetur të sezonit. E ardhmja e tij pritet të vendoset përfundimisht në ditët në vijim.
