Mesfushori i Kombëtares shqiptare, Kristjan Asllani, po lidhet gjithnjë e më shumë me një kalim të mundshëm te gjigantët turq të Besiktas.
Sipas raportimeve të fundit, klubi nga Stambolli është gati t’i ofrojë lojtarit një pagë prej 1.2 milionë eurosh për pjesën e mbetur të sezonit.
Interi pritet të përfitojë rreth 1 milion euro nga kjo marrëveshje huazimi, ndërsa po diskutohet edhe për opsionin e blerjes përfundimtare.
Shifrat për kartonin e tij lëvizin mes 10 deri në 12 milionë euro, por klubet ende nuk kanë rënë dakord për mënyrën e pagesave.
Përveç interesit nga Turqia, në garë është futur edhe Paris FC, që mund të tentojë blerjen e menjëhershme në ditët e fundit të janarit. Këto zhvillime vijnë pas një periudhe të vështirë për mesfushorin te Torino, ku i ka ndjekur ndeshjet e fundit nga tribuna. Situata aktuale e ka bërë të domosdoshme gjetjen e një destinacioni të ri për të siguruar minuta në fushë.
