Marash Kumbulla mund të rikthehet në Serie A përpara mbylljes së merkatos së janarit.
Mallorca raportohet se po shqyrton ndërprerjen e parakohshme të huazimit të mbrojtësit shqiptar, i cili nuk ka arritur të bindë me rendimentin e tij në kampionatin spanjoll.
Sipas “Sky Sport”, pas interesimit të Udinese-s, në garë është futur edhe Torino.
Klubi granata ka nevojë emergjente për një qendërmbrojtës pas dëmtimit të Ardian Ismajlit, i cili do të mbetet jashtë fushave për të paktën një muaj.
Kumbulla, i cili zotërohet nga Roma, shihet si një “okazion” pasi njeh shkëlqyeshëm kampionatin italian nga përvojat e tij me Hellas Veronën dhe Sassuolo-n.
Ndërkohë, Mallorca po bllokon një kalim të mundshëm te Espanyol, duke preferuar rikthimin e lojtarit në Itali.
