Fisnik Asllani po konfirmohet si një nga zbulimet më të bukura të këtij sezoni në Bundesligën gjermane.
Sulmuesi i përfaqësueses së Kosovës ka gjetur sërish rrugën e rrjetës në përballjen e sotme kundër Heidenheim, duke dëshmuar formën e tij të jashtëzakonshme.
Asllani shënoi golin e tretë për ekipin e tij , me një goditje të saktë brenda zonës, duke mos i lënë asnjë mundësi reagimi portierit kundërshtar.
Ky ishte goli i tetë personal për sulmuesin dardan në kampionatin gjerman, shifra që plotësohen edhe nga katër asiste vendimtare të dhëna deri më tani.
Me këtë ritëm, 23-vjeçari pritet të jetë një nga emrat më të lakuar në afatin kalimtar të verës, ndërsa tifozët e Kosovës presin që këtë formë ta bartë edhe në ndeshjet e ardhshme të “Dardanëve”.
